Sesel pe met pare pour akeir Festival Kreol 2022 

Oktob pe aprose e Sesel pe met pare pour akeir son 37enm Festival Kreol ankor dan mwens ki en mwan. Komite Festival Kreol ki enkli reprezantan bann diferan lazans anba Lenstiti pour Kiltir, Leritaz e Lar Sesel e lezot bann partener kle in konmans zwenn pour met bann aktivite lo progranm.

Enn parmi bann partener se Fondasyon Kiltirel Seselwa(FKS) ki pe organiz enn bann premye aktivite pour piblik ki pour apel – Lansman Lasezon Kreol.

Komite e bann reprezantan FKS ti zwenn lo lans Beau Vallon kot sa aktivite pour ganny fer Sanmdi le 8 Oktob, pour en vizit e miting. Tou keksoz pe al dan en bon direksyon e tre byento komite pour prezant avek manm piblik nou progranm Festival Kreol 2022 e plis detay lo tou bann aktivite dan kad sa 37enm edisyon.