Enn an pase sa ler, le 23 Oktob 2021, Lenstiti Nasyonal pou kiltir, leritaz ek lar Sesel ti ofisyelman ganny kree….
Egzakteman enn an pase sa ler, le 23 Oktob 2021, Lenstiti Nasyonal pou kiltir, leritaz ek lar Sesel ti ofisyelman ganny kree konman en lenstitisyon pour devlopman, prezervasyon, promosyon ek ranforsman bann valer kiltirel ek lidantite pep Seselwa.
Sa lenstitisyon i mandate pou formil e enplimant tou politik ek fonksyon ki relye avek leritaz istorik, kiltirel, lengwistik ek larsitektir Seselwa.
Lenstiti Nasyonal pou kiltir, leritaz ek lar Sesel, i osi enstitye bann lazans ki permet li anil serten lalwa ki annan pou fer avek son fonksyonnman, e pou adres okenn lezot size ki an relasyon avek, ouswa kapab afekte son fonksyonnman.
Sa senk antite ki tonm anba sa lenstiti i konpri
1. Lakademi Kreol Sesel
2. Konsey nasyonal pou lar e lartizana,3. Konsey nasyonal pou resours leritaz sesel
4. Divizyon akizisyon, konsevasyon, resers e akse a lenformasyon
5. Lazans Kreativ Sesel.
Tou sa i ganny sipervize par Lenstiti pou kiltir, leritaz ek lar, anba direktiv Sekreter Zeneral ek lasistans Sekreter Permanan.
